ابن ليل بقلم اميره اسامه
هو اختار تلكيكه مش مقنعه لان زي ما قولتلك الحب لا يعرف مسافات ولا سنين وعشان كده انتي مينفعش تزعلي ابدا المفروص تفرحي سكتت شويه بصت لبعيد وبعدين بصتلها وهي دموعها نازله پقهر
يمكن يا دارين احنا بنقدر نعيش ونكمل حياتنا بالحب ده ومش هنكر ان مفيش بني ادم علي وجه الارض قادر يعيش من غير حب سواء بقي حب بين راجل وست او حب الصحاب او الاهل الحب حاجه ضرويه عشان نقدر نكمل بكل طاقه بس كمان اوقات الحب بيكون لعنه لما بيروح للشخص اللي ميستاهلش و يا تقدري تتخلصي من اللعنه دي وتفوقي وتحبي نفسك اكتر وتبقي مقتنعه ان الحب ده لازم يطلع من قلبك عشان قلبك يرجع تاني لطبيعته يا تفضلي هتفضلي عايشه طول عمرك في ۏجع واللعنه ماسكه في قلبك لا هو عارف يحب من تاني ولا عارف يتعافي ولا حتي قادر ينسي الچرح اللي اتجرحه
السنه في الحب بي ثانيه والثانيه في الۏجع بألف سنه
يعني لو عيشتي سنه من الحب هتحسي انها جريت وكأنها كانت ثانيه عشان الوقت الحلو اللي قلبك بيبقي طاير فيه من الفرح بتعدي بسرعه لكن الثانيه اللي پتتوجعي فيها بتحسي انها تقيله ومش بتعدي وكأنها سنين بتمر ببطئ
ربنا لو مش بيحبك هيسيبك ومش هينور بصيرتك بالعكس ربنا اكيد عارف انك حد يستاهل كل حاجه حلوه فا حب انه يفوقك مش يوجعك او يعاقبك وبكره لما ربنا يعوضك بالحب اللي قلبك يستاهله بجد هتعرفي اني عندي حق وهتحمدي ربنا انه وجعك عشان تفوقي لنفسك فهمتي يا دارين
دره وانا بحبك انتي واخواتك اكتر من نفسي مش عايزه اشوفك كده تاني عشان انتي اقوي من كده اتفقنا يا دارين
دارين اتفقنا يا مامي
دره طب يلا قومي اغسلي وشك وظبطي نفسك احسن بلبله مستحلفالك عشان هربتي منها
دارين بضحك ربنا يستر
وللحديث بقيه
أبن ليل
صاحبة البطل الواحد
البارت العشرين
أتجمعت العيله علي العشاء كان الكل مبسوط نزلت دره مع دارين بعد ما حست انها هديت ورجعت تبتسم شويه
اول ما دخلت دارين وشافت دانه وديما عاملين ضفاير فضلت تضحك عليهم
دارين ايه المنظر ده
ديما ليكي حق تضحكي ما انتي لو كنتي معانا كان زمانك اتقفشتي زينا
دارين مين عمل فيكم كده
نبيله انا واقفين جنبي وبيساعدوني وشعرهم هينزل علي الاكل
نبيله ايوه اضحكي عليا كلمتين انتي كنتي فين يابت عامله نفسك بتحبي المطبخ
دارين لا والله يا بلبله بس كنت مصدعه شويه ونمت حقك عليا هعوضها معاكي اكيد
زكريا ما تسبيها تنام براحتها حبيبه جدها
دارين حبيبي يا جدو
نبيله احييييييه علي المحڼ اللي اشتغل خلصت منك انت ودره طلعت بنت دره
زكريا لا طبعا انتي في القلب تعالي انتي كمان
دره
نبيله شوفي البت بتطلعلي لسانها
عبدالله غيرانه ولا ايه يا بلبله
دعاء بس انت بدل ما تسمع ربع
نبيله وهنغيروا ليه يا اخويا ربنا يهني سعيد بسعيده
دانه مين دول يا يلبله
نبيله هو ايه اللي مين دول
دانه سعيد وسعيده
نبيله احيييه بقي لأ بنقولك ايه انا مليش دماغ ليكم يابت دره من الصبح كل ما نقولوا كلمه يقولوا يعني ايه
زكريا طب وانتي وراكي ايه ما تفهميهم
نبيله ما انت عارفني يا حاج خلقي قد خرم الابره
دره لا خدي بالك يا بلبله هما صحيح ييتكلموا عربي احسن مني ومنك بس الامثال والكلام الاسكندراني البحت لسه ميعرفوش اوي فا براحه عليهم
نبيله ما انا براحه اهو بصي هما ديتهم معايا شهر إن ما خلتهم يقولوا ربع إسكندراني لأي حد يضايقهم منبقاش بلبله
دعاء احيه ما بلاش الربع ده
حسن طيب بزمتك يا دودو دول يمشي معاهم ربع طيب تخيلي كده دارين ولا دانه ولا ديما واقفين في قلب الشارع يقولوا ربع
عبدالله متخيل ان اللي واقف يتعارك معاهم هيقع من كتر الضحك
دره مالك انت وهو بتتريقوا علي بناتي ليه خد بالك دانه بالذات عليها ربع اللي لا يوريك لما بتتعصب ولا لما حد يضايقها هو صحيح مبيبقاش اسكندراني بس بتعرف تقول
دانه قوليلهم
عبدالله يعني نطمنوا عليهم
دره اطمن ادام معاهم دانه بس لو دارين وديما اتأكد ان اللي بيتعارك معاهم ھيموت من الضحك
دعاء بس رغم انهم بيتكلموا عربي كويس يا دره بس لسه عندهم حروف مكسره شويه
دره ده كده كويس وانا راضيه وبحمد ربنا بصي هما من وهما صغيرين كنت بتكلم معاهم عربي علي طول لحد ما بدأوا يكبروا ويدخلوا المدارس طبعا هناك النطق غير فا علي حسب ما اتعلموا بس بردوا مكنتش بسيبهم يمكن اكتر حد غلبني شويه هي ديما
حسن فعلا ديما هي اكتر حد فيهم الكلام عندها مش عربي صريح يعني رغم انه مفهوم اوي بس اللي يسمعها يعرف انها كانت عايشه بره عكس دانه ودارين
دره الانجليزي في حروف بتاعتنا مش موجوده فيه يعني معندهمش حرف الحاء بيقولوا هاء معندهمش حرف الخاء بيقولوا كاف
حسن بضحك ايوه فاكر انا فاكره يا دانه
دانه هالا
حسن كنا في الكاڤيتريا فا قالت هتروح تجيب مايه فا دانه بتقولها متتاخريش عشان المحاضره قالتلها هالا بدل حالا
دانه حسن فضل ماسكها تريقه
ديما هو انتو السهره دي معموله عشان تتريقوا عليا
زكريا محدش يقدر قولي اللي تقوليه مش هما فاهمين
ديما ايوه فاهمين
زكريا خلاص سيبك منهم
نبيله طيب ايه مش هنخلصوا من فيلم حبيبي دائما ده ونقوموا ناكلوا
دعاء يلا انا هقوم احط الاكل تعالوا يلا يا بنات ساعدوني وانت يا بروطه قوم معانا ظبط السفره
حسن هالا
ديما رخم
عبدالله والله انت عيل ما تربتش
قاموا مع بعض ودخلت معاهم دره حضروا الاكل وخرجوا علي السفره وبعد وقت بسيط قعدوا كلهم ياكلوا
في جو جميل كله ضحك و هزار و دفئ العيله الجميل
في منزل رفاعي الوضع مكانش يختلف كتير الكل كان مبسوط و الحاله العامه كان واضح عليها التغيير إلا كرم اللي كان ديما مشاعره مش واضحه يمكن كان اكتر حد فيهم مبسوط لكن مكانش عارف يظهر ده او مش حابب
وطبعا هيما اللي كان ساكت من اول اليوم وباين عليه انه مش في المود ومزاجه مش حلو بعد اللي حصل بينه وبين دارين يمكن حس انها كانت مضايقه وفيها حاجه بس الطريقه العڼيفه اللي كلمته بيها ضايقته وحس انها فعلا مش طيقاه وتقيل علي قلبها
بكر ايه ده كله تسلم ايدك يا نوجا الاكل شكله حلو اوي
نجوي الله يسلمك يا حبيبي بس مراتك هي اللي عملت اكتر انا ساعدتها بس
بكر تسلم ايدك و ايدها يارب
رفاعي يا سلام علي مراتك لما يتكون الغزاله عندها رايقه
محمد صح يا جدي ربنا يديم عليها الغزاله
مها أتمسي
محمد واحنا قولنا حاجه قلابه اوي انتي يا مها
مها ياولا ما انت اللي بتنكشني
نجوي لا والنبي سيبها يا حمو خليها رايقه أحسن دي لما بتتجنن اعوذ بالله منها
مها حتي انتي سخنوكي عليا
نجوي يابت انا نطقت انا بنسكت الولا
كرم واحنا هنضحكوا علي بعض يا مها ما الكل عارف انك علي نكشه
بكر صاحبي وحبيبي
مها مالك يا اخويا فرحت اوي والضحكه بقت من الودن للودن
كرم شبطت فيك ألبس يا معلم
بكر منقصدش يا قلبي
احمد جاب وراء
بكر اتلم وبلاش انت
ضحكوا كلهم علي بكر
مها وانت يا اخويا مالك مكتوم كتمة الكحك ليه مش ناوي تعمل حفله عليا معاهم
هيما احيه انا نطقت مش قادره عليهم جيتي عليا
بكر بضهر ايدك ياولا
هيما هي حره
مها قصدك ايه ياولا
هيما ياستي سيبيني في حالي
رفاعي بس صحيح مش بعاده يا
هيما ساكت كان زمانك بترد وهما وراك
نجوي هو من بدري كده كنت فاكره حد فيكم زعله
كرم ولا حد جه جنبه
هيما مفيش والله بس مصدع من بدري والصداع مش بيروح
مها اكيد جعان يلا كل وبعد الاكل هنعملولك كوبايه شي من ايدي تظبط مزاجك ياكش يطمر يا واطي
هيما اصيله يا اختي
في شقه الجمال
خلصوا عشاء وقاموا شالوا مع بعض الاطباق قعد عبدالله وزكريا يلبعوا طاوله
وقفت دره ودعاء ونبيله يظبطوا المطبخ ويعملوا شاي و يجهزوا الحلو
والبنات خرجوا قعدوا في البلكونه مع حسن كان واقف في السر جوه
دانه انت علي طول مستخبي كده
حسن احيه علي الڤضيحه بقي ارفعي صوتك اكتر عشان ابويا وجدي لسه مسمعوش
دانه انا ڤضيحه
حسن انتي احيه عليكي ايه مش فاكره لما قولتي لدره حسن بيحب سماح
دانه انا عملت كده
دارين اللي عايز يفضح نفسه يقول سر لدانه
ديما صحيح يا حسن انت ليه مش بتشرب قدامهم
حسن ايووووه عيزاني نشربوا كده عادي قدامهم
ديما وفيها ايه
حسن لا طبعا مينفعش منقدروش
ديما ليه هما مش عارفين انك بتشرب
حسن لا هما عارفين اكيد وابويا علي طول يقفش الريحه و يذلني من تحت لتحت بس اني اشرب قدامهم مستحيل مش هنعرفوا
ديما طيب ليه انت مش صغير واكيد هما عارفين حاجه زي دي
حسن يا بنتي ملهاش علاقه بصغير وكبير ليها علاقه بإحترام يعني صعبه اقف قدام ابويا ولا جدي
دانه يعني هما عارفين وانت عارف انهم عارفين ومع ذلك مش عارف تشرب قدامهم
حسن يابنتي مش هتفهموا بس هي احترام والله مش اكتر بصي هما عارفين اني لما بختفي بعد الاكل وبدخل علي البلكونه اني بشرب بس كمان منقدروش نبقي بجح
ديما اممم ماشي فهمت
دارين صحيح هي سماح مجاتش ليه انهارده كمان اتصلنا عليها مكانتش بترد
حسن سماح واخده دور برد ابن جزمه ومن الصبح بتقوم وترجع تنام
دارين الف سلامه عليها احنا قلقنا لما مرضتش
دانه بس هي امبارح كانت كويسه
حسن صحيت الصبح عشان تنزل كان جسمها ۏاجعها فقالت
مش هتروح بعدها بشويه تعبت اكتر المهم صحيح خلينا فيكي
دارين فيا انا
حسن اه انتي كان مالك وطلعتي في الولا هيما كده ليه علي فكره ده صاحبي واللي يزعله نزعلوا
دارين ايه بتهددني
حسن منقدروش لا بجد كان مالك
دارين مفيش والله بس كنت مخنوقه شويه وهو طلع قدامي وعصبني ومن الاخر هو ابن حلال ويستاهل
دانه علي فكره بجد بعيدا عن الهزار كنتي قليله الذوق معاه بجد انا فكرت انه هياخد الموضوع بهزار زي كل مره بس المرادي انتي زودتيها وضايقتيه بجد
ديما ايوه بجد اضايقت عشانه وحسيت انه اتحرج
حسن علي فكره هيما طيب ومحترم وبيحب الهزار يعني مش قاصد يرخم عليكي خدي بالك هو بينكشك عشان تتعودي علينا تاخدي علي الجو يعني هو معملش كده مع دانه وديما عشان هما ماشاء الله خدوا علي جونا بسرعه لكن انتي لا او بمعني اصح معاه هو بالذات لانك بتهزري معايا ومع محمد والولا احمد
دارين مكنتش اقصد والله بس حقيقي كنت مضايقه وطلعته عليه بس يعني بيتهيألي انكم مأڤورنها شويه واكيد هو مضايقش يعني
حسن بإبتسامه بسيطه هو مش صاحبي وحافظه اكتر من نفسي اسمعي مني هو بجد زعل وحسيت انه اتحرج قدامنا انا قولتله متزعلش واكيد حصل حاجه ضايقتها قالي مفيش حاجه والله بس انا عارف انه بيكدب
دارين للدرجادي كنت قليله الذوق
دانه اكتر شويه وانا لو مكانه معبركيش تاني ابدا
ديما انا من رأيي أي وقت تشوفيه لازم تعتذريله علي طريقتك معاه انتي الكام مره
