جواز العقل قلب حب بقلمي فاطيما يوسف

ايه عشانه 
رفضت جدا ان هو يعرف دلوقتي وسابته ونزلت تعمل الاكل اما هو دخل عنده وقعد يتكلم عن نورهان وكل اللي عملته عشانه 
ومن اليوم ده نورهان ما كانتش بتفارق قاسم لحظه لحد ما اتعافى وبقى سليم ميه في الميه لكن كل يوم بيتعلق بيها اكتر من اليوم اللي قبله ففي مره ما هم قاعدين مع بعض في جنينه القصر 
_تعرفي انك جدعه قوي وطيبة أنا ارتحت لك أووي وبقيت مش عايزك تسيبني وتمشي .
كانت مركزه معاه قوي وقلبها بيدق من كلامه فردت عليه
_ علشان اخدت على وجودي مش اكتر اما لما امشي هتنساني مع الوقت .
قاسم حس ان قلبه اتقبض لما جابت سيره انها تمشي فقال لها
_ارجوكي ما تجيبيش السيره دي تاني انا مش عايزك تبعدي عني .
حست بالخجل من نظراته وكلامه وردت عليه
_بس اكيد هياجي الوقت اللي همشي وهبعد يا قاسم .
وفاجاه لقي لسانه نطق
_مش هسيبك تمشي انا عايز اتجوزك يا نورهان .
نورهان قلبها دق من كلمته وبقيت مش قادره تاخد نفسها من شده التوتر وقامت سابته ومشيت وهو فسر ده انها مكسوفه
ومرت الايام وقاسم اتحسن تماما ورجع لطبيعته تاني لكن مع مرور الايام خاېف انه نورهان تمشي وتسيبه وخاصه انها ما ردتش على عرض الجواز بتاعه وبقى محاصرها بالنظرات والهمسات وبالكلام لحد ما في مره والده لاحظ كل حاجه بيعملها وقال له
_عجباك يا ولدي
رد عليه بسرعه
_انا عشقتها يا ابوي.
ابتسم والده وقال له
_وهي كمان عشقاك كيف ما حسيتش كده.
فتح عيونه پصدمه وسال أبوه 
_هي قالت لك يا ابوي انها عشقاني 
رد عليه ابوه 
_ما تبقاش غشيم يا ولدي نظراتها ليك بتقول انها عاشقاك اهتمامها بيك بيقول انها محتاجاك روح لها يا ولدي وانت هتلاقي عنديها كل اللي انت عايزه .
كانت قاعده في الجنينه وقت غروب الشمس ماسكه قهوتها بتشربها وكانت سرحانه وسمعت صوت قاسم بيقول لها
_شكلك جميل قوي وانتي سرحانه إكده يا ترى مين سعيد الحظ اللي واخد عقلك
قلبها دق اول ما سمعت صوته وشمت ريحته في المكان وجاوبته
_اللي واخد عقلي حاجه بعيده عني وشكلي إكده مش هطولها ابدا .
قعد جنبها وبص في عيونها وقال لها
_ما ردتيش على طلبي ليه هو انا مش قد المقام يا نورهان هانم.
كانت بتفرك ايديها بتوتر وردت عليه
_مش الحكايه حكايه مقام خالص انا كنت بحسبك بتهزر.
رفع حجبه باستنكار واتكلم
_كيف ده هو الجواز فيه هزار ولا انا ما باينش عليا اني عشقتك وحبيتك وبقيت بتمناكي .
كانت هتقوم لما قال لها الكلام ده من شده الخجل لكن مسكها من ايديها وقال لها
_كفايه بقى انا عرفت كل حاجه هتنكري ايه عني .
اتوترت اكتر وفتحت عينيها على وسعهم وقالت له
_عرفت ايه بالظبط
رفع حجبه واتكلم
_عرفت انك عشقاني زي ما انا عاشقك وعرفت انك مهتقدريش تستغني عني زيي واكتر .
ردت عليه وهي تايهه في كلامه ونظراته 
_قاسم ارجوك كفايه إكده أني تعبت .
مسك ايديها واحتواهم جوه ايديه وقال لها
_كفايه ايه ده احنا لسه بنقول يا هادي ده انا اللي تعبت وخلاص جبت اخري.
حاولت تسحب ايديها من ايديه وهي بتقول له 
_ما ينفعش تمسك يدي انت عايز ايه بالظبط
غمز لها بعيونه بشقاوه

وقال لها
_وليه ما ينفعش امسك يدك ان ما كنتش انا امسكها واحضنها بين ايديا وابوسها كمان مين يعمل إكده .
خلص كلامه وبسها من ايديها بكل الحب وهي مستغربه حاولت تسحب ايديها من ايديه وهي مش قادره تتكلم لحد ما سمعته بيقول لها 
_ما تشديهاش دي حقي
وحلالي ومش هسيبها واصل يا مراتي ياحبيبتي.
اندهشت من كلامه وفتحت عيونها على وسعهم ان هو عرف وسالته
_انت عرفت منين يا قاسم اني مراتك
شاور على قلبه وجاوبها
_قلبي دلني ومشيت وراه وطلع عنده حق في احساسه وطلعتي احلى واجمل احساس حسيته في حياتي 
وكمل كلامه وهو قريب منها وحاضنها
_تعرفي اني رغم مرضي والشده اللي كنت فيها الا اني بشكرها علشان عرفتني على احلى واجمل وارق انسانه في الدنيا عرفتني عليك يانور أيامي .
نورهان خلاص ما بقتش قادره تتحمل وقلبها بيصارعها بدقاته وما بقتش عارفه ترد عليه بايه فكمل كلامه
_اتكلمي وقولي لي بتحبيني زي ما بحبك وبتعشقيني زي ما انا بعشقك يا قلب قاسم
ما قدرتش تتكلم ووشها كان احمر من كتر الخجل ومن شده محاصرته ليها واكتفت وهي بتهز راسها بابتسامه وموافقه في حضنها قاسم حضڼ كبير وقال لها
_يا اهلا بيكي حبيبه وزوجه وشريكه قاسم يا قلبه وعمره وروحه وحياته كلها ومن النهارده انا بوعدك ان كل لحظه تعبتيها معايا وكل لحظه حزن حزنتيها بسببي هعوضك عنها يا عمري وبوعدك اني اخليك اسعد انسانه في الدنيا بحالها ربنا يخليكي ليا وما يحرمنيش منك ابدا وتفضلي دايما جنبي وما يفرقناش ابدا .
انتهي الاسكريبت
فاطيما يوسف