قصيره القامه طويله اللسان بقلم شيماء صبحى

ومحسن وقف وفتح الباب بتاع الشركه ودخل هادي وهوا بيبص لكل تفصيله في الشركه بثقه وهوا بيقول كل حاجة هترجع تاني واحسن من الأول!! 
محسن مشي قدام هادي وهوا بيشغل الانوار بتاع الشركة بابتسامه وهو مش مصدق ان ممكن الشركة ترجع تاني لان وحشهه جدا كل تفاصيل الشركة وحيوايتها وزمايله الي كانو شغالين فيها! 
هادي كان بيبص للمكاتب والي كانت كل حاجه متسابه زي مهيا يعني الي كان ماسك شغله سايبه ومخلصوش وكان في بقايا اكل والي ناسي هدومه 
هادي كان بيبص علي كل تفصيلة في الشركه وهوا بيبص لمحسن والي مسك الملف والي فيه كل الموظفين وبيقرب منه !! 
هادي مسك المافات وبدأ يقرأ الأسماء وكان اول سي في كان ل ساره عزمي
محسن مسك السي في وهوا بيشاور ل هادي علي الرقم بتاع ساره وبيقول اهو يا باسا السي في بتاعه 
هادي ابتسم وهز رايه و طلع موبايله من جيبه واخد الرقم وطلب من محسن انه يروح يعملهم شاي علشان يشربوه مع بعض!
محسن هز راسه بفرحه ومشي وهادي رجع بص في الموبايل وضغط اتصال وهو مستني الرد !!! 
وفي مكان تاني كانت ساره قاعده في كافيه مع عميل مهم في الشركة الي هيا شغاله فيها 
العميل بس انا مش هشتري يا انسه عرفي مديرك ان عمار باشا مبيتخدعش!! 
ساره وقفت وهيا بتهديه استني يافندم بس نتفاهم بس !
عمار پغضب انا كلامي خلص وشغل مش هشتغل يا شركة نصابه و حراميه 
ساره بصتله بحرج لان كل الي في الكافيه كانو متابعين الحوار وباصين عليها باستغراب وهيا كانت بتبص علي عمار والي خرج من الكافيه في خلال ثواني من غير مايحاسب علي العصير الي شربه .. 
ساره فالت بغيظ طيب حاسب علي الي طفحته طيب دنتا راجل بخيل صحيح!! 
قالت ساره كلامها وبعدها طلعت مبلغ من شنطها وحطته علي الطرييزه ومشيت وهيا خارجه تلفونها رن برقم غريب .. فضلت تبص للرقم وهيا بتسأل نفسها معقول يكون واحد معجب بيا!! بقلمي شيماء صبحي 
هادي كان مستغرب انها مش بترد لحدما سمع صوتها وهيا بتقول بصوت لطيف الو السلام عليكم!! 
هادي قال باحترام وعليكم السلام ورحمة الله الانسه ساره معايا! 
ساره هزت راسها وقالت ايوا انا ساره مين معايا 
هادي اخد نفس طويل وقال انا هادي الچارحي والصراحه محتاجك ضروري في الشركه ! 
ساره قالت بابتسامه ازي حضرتك يا فندم هو حضرتك رجعت الشركه ولا ايه! 
هادي استغرب غباءها ولاكنه هز راسه وقال ايوا الشركه رجعت ولو حضرتك فاضيه ممكن بس تيجي الشركه علشان نتكلم في موضوع مهم!! 
ساره بفرحه حاضر يافندم دقيقه واكون عندك 
هادي بص للتلفون ورجع تاني قال طيب يا انسه انا مستنيكي!! 
ساره قفلت معاه بفرحه وهيا مش مصدقه ان الشركه الي هيا بتحبها هترجع تاني تشتغل من جديد اخيرا ابتسمت بسعاده لانها هترجع تاني تبقي السكرتيرة بتاعت المدير وتحس بقيمتها الي فقدتها في شركات برا والمرمطه الي كانت فيها خلاص هتنساها !!! 
في الشركه كان هادي قاعد علي المكتب الي نظفة من التراب وهوا بيبص لتفاصيل المكتب بانبهار علي طريقة تصميمه وقال انا ازاي مأخدتش بالي بالتصميم دا قبل كدا!! 
محسن دخل عليه وهوا بيقول الآنسه ساره وصلت يا فندم 
هادي ضم حاجبه باستغراب من سرعتها وقال پصدمه انت بتتكلم بجد 
محسن هز راسه وقال والله برا يا فندم 
هادي قال بالموافقه. طيب يا محسن ډخلها بسرعه 
محسن خرج وبعدها ساره دخلت وعلي وشها ابتسامه عريضه وهيا بتاخد نفسها وبتقول نفسي اتقطع من الجري 
هادي قال بعدم استيعاب هو انتي كنتي بتجري في الشارع 
ساره هزت راسها بابتسامه وقالت ايوا يا فندم وفيها ايه يعني لما اجري دا حتي الجري رياضه 
هادي قال صح الجري رياضه انتي صح ...
ساره ابتسمت وهادي فضل باصصلها وهيا قعدت قدامه بحماس 
هادي كان فهم شخصية ساره من طريقتها وحركتها الكتيرة الي جبتله هبوط يعين امه وكان من الواضح كدا انها شخصيه مجننونه 
ساره قربت منه بفرحه وقالت حمدالله علي السلامه يافندم ابوس ايدك فرحني وقولي انك هترجع الشركه تاني تشتغل!! 
هادي كان واقف ومصډوم من عفويتها الي بتفاجئه بيها كل شويه ولاكنه ابتسم ورجع قعد تاني علي المكتب ومد ايده وقال ازيك يا انسه ساره ! 
ساره بصتله پصدمه وقالت الله يسلمك يا فندم هو انا ممكن أسالك سؤال! 
هادي هز راسه وهوا باصصلها بإهتمام وهيا قالت وهيا ماسكه ايده هو حضرتك بتسلم عليا كدا عادي! 
هادي هز راسه بإستغراب وسألها ايوا عادي انا بشړ زي زيك علي فكره وبعدين فيها اي لما اسلم عليكي يعني
مش فاهم
ساره قالت بحزن اصل انا في كل مره كنت باجي اسلم عليك مكنتش بتعبرني وكانك مش شايفني! 
رجعت علت صوتها وقالت ليه يا فندم دانا ياما ايدي اتشلت وانا بتمني تسلم عليا !! 
هادي بصلها پصدمه وهوا ملاحظ انها علي وشك انها ټعيط فقال بهدوء اهدي يا انسه ساره انا اسف علي كل مره مسلمتش عليكي فيها بس ممكن لو سمحتي نتكلم في الموضوع المهم الي جبتك علشانه! 
ساره بصتله بإبتسامه وقالت أكيد يا فندم اتفضل! 
هادي هز راسه وهوا باصصلها بهدوء علشان متنفعلشي عليه تاني وقال 
هادي انا عايز اعرف ايه الي حصل في الشركه في خلال الفتره الأخيره وازاي الشركةه خسړت كل حاجه فجأة 
ساره بصتله باهتمام وقالت أنا هشرحلك كل حاجه يا مستر هادي !! مستر احمد الله يمسيه بالخير طبعا!! كان دخل مناقصه قصاد منافس لينا اسمه ادهم النجار ودا واحد شغال في نفس المجال بتعانا وكان دايما بيحاول يوقع معظم شغلنا وياخد منا عملأئنا 
وفعلا نجح في دا وقدر انه ياخد معظم عملائنا وضمهم لشركته ومن وقتها بدأت الشركه تقع وتخسر عميل ورا التاني لحدما فجأه الاسهم بقت في الارض والارباح بتاعت الشركه وقعت وابوك بق الله ېخرب بيته !! 
هادي قال پصدمه انتي بتقولي ايه !!! 
ساره قالت بضحك والله يافندم ما اقصد بس هكملك المهم المكسب استخدمناه فاننا ندفع الشرط الجزائي بتاع العملاء الي كانو حاطينه في العقود وكان وقتها احمد بيه واخد قرض كبير من البنك ولما عدي شهر والبنك ما اخدش فلوسه بعت لينا مندوب خاص يعرفنا اننا لازم نحل المشكله في اسرع وقت وندفع الفلوس 
ومستر احمد الله يمسيه بالخير!! 
هادي قرب منها وقال أقسم بالله لو ما اتظبتي في الكللم لهوريكي الوش الجديد!! 
ساره بإستغراب اي دا يا فندم هو انت ركبت وش جديد!! 
هادي هبد علي المكتب پجنون وقال كملي يا انسه ساره كملي!! 
ساره بحزن انت شكلك هتطردني بعدما تعرف كل حاجه 
هادي بنفاذ صبر أطردك ايه يابنتي ارحمي امي انا اصلا لسا موظفتكيش علشان اطردك 
ساره هزت راسها بأقتناع وكملت كلامها وقالت احمد باشا حاول يعمل اي حاجه علشان ينقذ الموفق بتاع البنك . 
وعمل كل حاجه ممكن تتوقعها علشان يرضي العملاء ولاكنهم كان مستهزئين بيه ورفضوا انهم يرجعوا تاني يتعاونو معاه فوقتها الشركه وقعت خالص والموظفين طبعا مشيوا لان شغلهم اتعطل ومفيش مرتبات كانت بتنزل ليهم فمكنشي قدامهم خل تاني غير انهم يشفولهم شغلانه في اي شركه تانيه وخلاص !! 
هادي طيب ليه البنك حجز علي كل أملاكنا والمصانع!! 
ساره مهوا مستر احمد الله... 
هادي بصلها بعيون حمرا وهيا قالت بتوتر اكتشفنا بعدها ان مستر احمد كان واخد مبلغ كبير جدا من ورانا ولاكنه خسره كله في البورصه والبنك حجز عليه ليه بق 
هادي بتساؤل ليه!! 
ساره علشان ابوك كان ضامن القصر والمصانع والشركه بحق القرض!! 
هادي بصلها وقعد يفكر لمده دقايق وبعدها وقال طيب انا عايزك تتواصلي مع كا الموظفين الي كانو في الشركه واحد واحد وتخليهم يرجعوا الشركه تاني وعرفيهم ان مرتباتهم الي ما اخدوهاش الشهور الي فاتت هترجعلهم 
ساره قربت منه بفرحه وقالت احلف كدا يا مستر هادي انك هترجع الشركه تاني تشتغل !!! 
هادي المره دي ضحك علي حركتها الي فجأته بيها وقال قبل ما تكلمي اي حد كلمي أفضل شركة نظافة يظبتوا الشركة انا عايزها تلمح من النظافه 
ساره ابتسمت وعملت حركه بصوباعها علي شكل انها محتاجه فلوس لكل دا !! 
هادي فهم قصدها و طلع مبلغ من هدومه وادهولها وقال انا ورايا مشوار هخلصوا وارجعلك علي طول 
ساره ودعته بابتسامه وهوا خرج ولقي ان محسن بيمسح العربيه يتاعته وكان نظفها خالص !
ابتسم هادي بفرحه وقرب من محسن اداله مبلغ ومحسن وقتها اټصدم من الي هوا عمله ولاكنه كان مبسوط جدا ومكنش مصدق من لطافته معاه !! 
كان الكل متفاجئ من تغير هادي من الفتي الطايش الي رجل عايز يشغل الشركة بنفسه ويكون رجل اعمال ناجح 
في منطقة قمر
صحيت علي صوت خبط جامد علي الباب قامت بفزع وهيا بتقول مين الي بيخبط بالشكل دا!!! 
خرجت قمر بسرعه تفتح الباب ولاكنها اټصدمت لما لاقت عمها ومعاه مراته وولادة الاتنين واقفين 
قمر بإستغراب انتوا بتعملوا ايه هنا انا مش قلتلك ملكش حاجه عندي!! 
عمها زقها پغضب ووقعها علي الارض وهيا اتوجعت من الخبطة وقالت بصوت غاضب اطلعوا برا انتو ملكوش حاجه هنا 
مرات عمها دخلت وقعدت علي الانتريه وهيا بتقول يا حلاوه يا ولاد بق كل الشقه دي بتاعتك انتي يا وش الفقر!! 
قمر سندت نفسها ووقفت وقربت منها وشدتها من هدومها وهيا بتقول پغضب قومي يا
ست انتي من هنا بدل وربي الم عليكوا المنطقة ومش هخلي فيكوا حته سليمه 
ابن عمها جه من وراها وقال وهو بيقرب من رقبتها متهدي علينا يا ست قمر مالك دا احنا اهلك برضوا 
قمر بعدت عنه بقرف وقالت ابعد عني بدل وربنا مهخلي فيك حته سليمه انت كمان 
ابن عمها التاني شدها من دراعها وقال انتي يا بت فاكره انك هتقدري علينا داحنا لو اتلمينا عليكي مش هنخلي فيكي حته تقدري تتسندي عليها 
قمر جريت علي المطبخ وهيا بتدور علي اي حاجه تهددهم بيها بس لاقتهم جاين وراها 
في الوقت دا وصلت سهر وهيا بتنادي عليها وبتقول قمر بت يا قمر انتي فين 
قمر صړخت وسهر جريت علي الصوت واول ماشافت انهم متهجمين عليها صوتت بصوت عالي خلي الشباب تسمعها من فوق وينزلوا بقلق!! 
سهر جريت عليهم وهيا بتحاول تبعد قمر وتشدها من تحت ايدهان ولاكنهم كانو كتير وتقال جداا 
الشباب وصلت وشافوا الي بيحصل خالد اټجنن لما شاف ان واحد منهم ماسك قمر من ايديها حامد وواحد تاني ماسك سهر والي عماله تصرخ بالم 
الشباب قربوا منهم وبعدوا عمها واولاده ومراته وقمر كان شكلها متبهدل جدا وهدومها مشدوده 
وصل عبدالله علي صوت الصړيخ واتفاجئ من شكل قمر بصلها بقلق وبص حواليها شاف عمها