روايه شبيهتى القويه بقلم نشوى عادل

ع بيت ريهام اما ملك فوصلت ريهام ع الفيلا 
ملك مامت اسراء اسمها رجاء وعمها اسمه ماهر وولاد عمها ولدين توأم يوسف وسيف وبنتين سلمى اد اسراء وسيليا ف ثانوية عامة 
ريهام تمام والخدم!
ملك الحارسين اللى ع البوابة محمد وامين والجناينى صالح والخدم اثنين صفاء ورحاب 
ريهام تمام ابقى بقى واحنا داخلين عرفينى ع الخدم وورينى صور ولاد عمها دول 
ملك اشطا 
بعد ما وصلوا وملك ابتدت تكلم كل واحد باسمه وطبعا ريهام كانت مركزة فجأة صوت من وراهم الهانم كانت فين لحد نص الليل وووووووو 
التاني 
الهانم كانت فين لحد نص الليل اظن انا منبه ان اخر ميعاد للتأخير ١٠ حصل ولا لا 
لفت ريهام وملك لمصدر الصوت وكان عم اسراء ماهر اللى ملامحه كانت جامدة ملك معليش ي اونكل انا السبب اصل النهاردة كان عيد ميلاد مرام اختى وانا غصبت ع اسراء تكمل معانا الحفلة للاخر
ماهر بحدة ع فكرة انا موجهتش الكلام ليكى انا بكلم الهانم اللى بتكسر كلمتى 
ريهام اكيد ي اونكل حقك تضايق انى ارجع ف وقت زى ده بس ي ترى بقى الحكم ده شامل بناتك ولا عليا انا بس!
وقتها اټصدم ماهر من رد اسراء لانها عمرها ما طلع ليها صوت غير اسفة وحاضر ونعم وبس قال بعصبية انتى كمان هتردى عليا 
ريهام بثقة ابدا ي اونكل انا بس بسأل حضرتك ما هو اكيد خۏفك ده مش هيكون عليا انا بس اصل انا مش اعز من بناتك ولا ايه
ف اللحظة دى نزلت رجاء Bonsoir مساء الخير خير ي جماعة ليه صوتكم عالى
ماهر بتمثيل عجبك بنتك ي رجاء راجعة ف وقت متأخر وكمان بتعلى صوتها عليا عشان خاېف عليها 
رجاء الكلام اللى بيقولوا اونكل ده حصل ي اسراء
ريهام اسراء محصلش انا معليتش صوتى انا بس سألت اونكل سؤال وهو مردش عليه 
رجاء سؤال ايه!
ريهام بنظرة تحدى لماهر ايه ي اونكل تحب اسأل السؤال ادام مامى ولا 
ماهر بسرعة خلاص ي رجاء ي حبيبتى متكبريش الموضوع وانتى ي ايسو روحى ع اوضتك اكيد انتى راجعة تعبانة 
بالفعل دخلت ريهام مع ملك ع الفيلا وانبهرت بشياكتها وفخامتها صفرت باعجاب وقالت ايه العز ده كله انا كنت بشوف الحاجات دى ف الافلام وبس 
ملك ي بنتى قولى ما شاء الله 
ريهام ما يحسد المال الا اصحابه ياختى اسكتى 
ملك طب ادامى عشان اوريكى غرفة اسراء يلا 
بالفعل دخلتها ملك ع الغرفة وبعدها اڼفجرت بالضحك ريهام باستغراب انتى شاربة حاجة ولا ايه بتضحكى ع ايه!
ملك ع اللى حصل تحت من شويه انا لحد الان مش عارفة انا مسكت نفسى كل ده ازاى مش قادرة اتخطى ريأكشن اونكل ماهر 
ريهام تؤ خدى من ده كتير ولسه الجاى هيبهرك اكتر 
ملك انا كده بقى هروح وانا مطمنة عليكى اهم حاجة تتعاملى ع انك اسراء ومتنسيش ولا حاجة من اللى علمتها ليكى اوك 
ريهام خلصنا يلا اتكلى
ملك اتكلى اه ربنا يستر ومتكشفيش ي بيئة
قالت كلمتها وجريت ريهام هتروحى منى فين هنتقابل ي قطة
فى مكان تانى ف شقة ريهام كانت شقة بسيطة ف مكان عادى مش شعبى دخلت ع ام ريهام واسمها مجيدة
اسراء معليش ي طنط حقك عليا انى اتأخرت 
مجيدة بابتسامة حزينة ولا يهمك ي بنتى هى ريهام كويسة
اسراء اه كويسة وزى الفل متقلقيش المهم انتى اتعشيتى واخدتى علاجك ولا لسه
مجيدة اه الحمدلله بس عاوزة اكلم ريهام اطمن عليها 
اسراء عيونى حاضر 
مسكت الفون ورنت ع ريهام واتكلمت مع امها واطمنت عليها وبعدها قفلت 
اسراء ها بقى ي ست الكل اطمنتى
مجيدة شويه 
اسراء انتى قلقانة عليها بس ليه دى بنتك يتخاف منها ع فكرة
ضحكت مجيدة ڠصب عنها وقالت ف دى عندك حق هى تقدر تحمى نفسها كويس بس دى اول مرة من يوم ما اتولدت تغيب عنى 
اسراء اومال لما تتجوز بقى 
مجيدة يااااه
يسمع منك ربنا ده اليوم اللى بتمناه بس هى عنيدة ومش راضية توافق ع اى عريس وعارفة ان رفضها بسببى انا عشان متسبنيش 
اسراء ان شاء الله ربنا هيبعتلها ابن الحلال اللى يرضيها يلا بقى نوم الوقت اتأخر وعندنا ميعاد بكرة عند الدكتور 
دخلت اسراء ع غرفة ريهام وكانت غرفة بسيطة جدا بس
رقيقة قربت من الشهادة اللى متعلقة ع الحائط