جراح لا تنسي الكاتبة أمانى السيد
تانى
هاله شوفتى مرجعش تانى ازاى رايح يكمل معاها شهر العسل
منى منا قلتلك مش ساهله يبيع اى حد عشانها
هاله وانتى وافقتى من الاول على جوازهم ليه
منى مكنتش موافقه يا ختى بس هو عنيد ده عملت كل حاجه تخطر على بالك عشان اطفشها لكنها لازقه
هاله واضح انها لازقه فعلا وشكلها عايزه تبعدوا عنكم
منى عندك حق
تانى يوم راح زهران الشركه وقابل مؤمن
مؤمن انت قطعت الاجازه
زهران اه ماما كانت تعبانه عشان كده نزلت
مؤمن الف سلامه عليها وهى عامله ايه دلوقتى
زهران اخسن الحمد لله
مؤمن كويس انك رجعت عشان ابو فواز هيجي بعد بكره واجتماع الشغل هيكون الاسبوع الجاى
اخد زهران رقم أبو فواز واتصل بيه
زهران مساء الخير هلا بأبو فواز
ابو فواز مين معى
زهران أنا زهران
أبو فواز يا هلا يا هلا كيفك يا شيخ
زهران الحمد لله بخير
أبو فواز إن شا الله دايما
زهران مؤمن قالى انك جاى القاهره بعد بكره
أبو فواز ايه مظبوط
أبو فواز خير إن شاء الله
زهران لأ خير طبعا عازمك على الغدا فى مكان مصرى اصيل
أبو فواز خير خير خلاص نتقابل اول ما انزل على طول حياك الله مع السلامه
مؤمن مش هتعذمه عندك في الفيلا
زهران لا هعزمه بره مش عايز هاله تعرف اصلا انه جاى او انا هقابله
مؤمن شاكك فى حاجة
زهران مش عارف بس كده احسن
زهران بقولك يا ابو فواز انت عرفت منين إن انا زهران مش عرفات
أبو فواز من بعد ما اديتك الفلوس
السفارة كلمتنى وقالتلى انهم بيدوروا عليك وانا كلمت مراتك وقالتلى انك رجعتلك الزاكره بس انت هتفضل على اسم عرفات عشان تقريبا عليك طار
ابو فواز اصحاك تكون مش عارف هى ما قالتلك شئ
زهران لأ عايز اسمع منك كل حاجه
أبو فواز ابنى لما خبطك كان حدا لاعبلوا فى فرامل سيارته حد
من أعداءنا المهم كلمنى وقالى انه خبط حد بالعربيه ساعتها كنت انا فى عربيتى والسواق بتاعى كان جوز ام هاله
المهم انا رحت مكان ومشيت بالعربيه ورا عربيه الاسعاف وصادفت ان المستشفى دى كانت شغاله فيها هاله انا طلبت منها تخفى اوراقه لحظ مانت تفوق
وطبعا منصور ادانى رقم هاله وقولتلها اللى حصل ڠصب عن ابنى بس انا هراضى المړيض ده بفلوس كتير وقتها هاله قالتلى ان ممكن اهله يرفضوا عشان كده لحد مايفوق يفضل نخبى هويته وفى الوقت ده ابنى خرج بكفاله لانهم كشفوا على العربيه وعرفوا انه كان ڠصب عنه
زهران ومؤمن بصوا لبعض ورجعوا بصوله تانى كمل كمل
فضلت طول الفترة اللى انت مقضيها فى المستشفى أسأل عليك هاله لحد ما فوقت واول مانت فوقت هى كلمتنى فورا وووقتها انا جيت وقالتلى ماقولكش هويتك الحقيقة لحد ماتقبض الفلوس والقضيه تخلص عشان محدش من اهلك يعترض وفعلا عملت كده وفضلت اطمن عليك منها
بس بصراحه انا فضلت اسال وادعبس وراك عشان اعرف اى حاجه عنك ولما عرفت انك سألت فى السفارة بعت ناس برضوا يسالوا عنك لحد ماقدرت اوصل لاهلك وباعتلها ادتها عنوان اهلك وانهم بيسالوا عليك وقتها قالتلى حاضر هبلغه وبعدها كلمتنى قاتلى انك بتشكرنى وانك فعلا قدرت توصل لاهلك بس مش عايز تعرفهم مكانك لانك عليك طار وجاى هنا هربان منه وانك بتتواصل مع ابوك وامك ومراتك وبتبعتلهم فلوس بس هما مخبيين عشان محدش يعرف يوصلك وانك هتفضل باسم عرفات عشان محدش من الناس اللى بيدورا عليك يقدروا يوصلولك
زهران بقى يسمع كلام ابو فواز وهو مستغرب
ابو فواز انا عارف انى غلطت بس صدقنى انا عملت كل شئ فى ايدى عشان اعوضك عن غلط ابنى اللى كان غير مقصود
زهران مصډوم مش عارف يرد بس مؤمن اتكلم بالنيابة عنه
مؤمن يا شيخ زهران لسه عارفه هو منين من اسبوعين تقريبا وطول الفتره دى بيدور على اهله
ابو فواز ازاى الكلام ده اذا كانت اوراقك كانت مع هاله اللى فيها اسمك
زهران طيب ليه ماخدتهاش وعرفت مكان اهلى
ابو فواز قالتلى انها ضاعت منها وانى بلاش اقولك عشان مايحصلش مشاكل وخصوصا ان كده كده انت عرفت توصل لاهلك فمحبتش ادخل واعمل بينكم مشاكل قولت انت ادرى بحالك وخلاص مش هفتح كلام قديم عشان مايحصلش بينكم مشاكل
زهران شكرا ليك يا ابو فواز انك مكملتش فى خداعى بس للاسف هاله خبت حقيقتى طول السنين دى
أبو فواز وانت ناوى على ايه
ابو فواز حس ان الوضع اتازم وان زهران فعلا مكنش يعرف حاجه
بقولك يا زهران شوف انت ايه اللى يرضيك وانا معاك فيه
زهران حبيبي ربنا يباركلك أنا مش زعلان منك وبإذن الله معادنا الاسبوع الجاي فى الشغل زى ماحنا وهتبقى فتحت خير علينا
ابو فواز طيب انا بقى هقوم عشان انا تعبان من السفر ومحتاج ارتاح
زهران لأ طبعا لازم اوصلك بنفسى
وصل زهران ابو فواز وكان معاه مؤمن وبعدين راحوا قاعدوا فى كافيه هادى
مؤمن ناوي تعمل ايه بعد ما عرفت الحقيقة
زهران مش عارف بس لازم تدوق اللى انا دقته لازم تجربه والعز اللى كنت معيشها في ده هى واهلها خلاص بح من بكره طلع قرار رفد منصور من الشركه والمرتب اللى كان بيروح لمها هيتوقف
مؤمن مش هتواجها
زهران الصبر الصبر بقولك ايه تعالى وصلنى بيت الحاره لانى حاسس اني تعبان اوى ومش قادر اسوق
مؤمن اوديك للدكتور
زهران لا محتاج اريح بس واصفى زهنى
وصل مؤمن زهران لبيت الحاره وطلع عند منتهى
منتهى شافته تعبان جريت عليه بخضه
مالك يا زهران شكلك تعبان كده ليه تعالى نروح المستشفى بسرعه
زهران منتهى انا تعبان وعايز ارتاح من فضلك مش عايز اى إزعاج
سابها مهران ودخل
الغرفه وكان في صداع كبير بيفرتك دماغه ومش قادر يستحمله مره واحده صړخ باعلى صوت ودخلت منتهى عليه الاوضه لقته وقع فى الارض حولت تفوقه مافقتش اتصلت على حماها وعلى مؤمن اللى اتصل بالدكتور بتاعه وجاله بسرعه
الدكتور حصل ايه
مؤمن عرف انهارده حاجات كتير ضايقته
الدكتور طيب هو كان منتظم على العلاج
منتهى اه يا دكتور وكان افتكر احداث كتير عن الماضي
الدكتور احتمال كبير جدا ان تكون الزاكره رجعتله وغالبا هو ضغط نفسه بالتفكير عموما هو هيفوق خلال ساعتين لما يفوق حد يكلمنى ويطمنى عليه عن ازنكم وسابهم ومشى
منتهى هو إيه اللى حصله وايه اللى عرفه وصله لكده
مؤمن مش خقدر اتكلم فى حاجة هو لما يفوق يبقى يقولك عن ازنك وسابها ومشيت
جهزت منتهى الغدا بسرعه وراحت بعد كده فضلت قاعده جمب زهران لحد ما فاق
حمد لله على السلامه حاسس بايه دلوقتي
زهران هو ايه اللي حصل
منتهى لقيتك صړخت مره واحده اتصلت بباك وبالدكتور وبمؤمن جم كلهم والدكتور ادالك مهدئ وباباك قاعد مع احمد فى اوضه الاطفال مستنيك
تفوق عشان يطمن عليك ومؤمن والدكتور روحوا انت حاسس انك احسن
وحشتيني اوي يا منتهى
منتهى بصتله انت
زهران أه يا حبيبتي اه رجعتلى قام زهران دخل لابنه وابوه جامد وفضل قاعد معاهم وطلب منهم انه يروحوا معاه الفيلا
منتهى إحنا اتكلمنا فى الموضوع ده قبل كده
زهران منتهى لو عايزه تعرفى اللى تعبنى ووصلنى لكده واللى حصلى قبل اسمعى كلامى ممكن وارجوكى ماتجادلنيش
منتهى حست
انه فعلا في حاجه كبيره فسكتت وسمعت كلامه لانه شكله لسه مرهق
دخلت منتهى جهزت شنطه صغيره فيها لبس ليها ولابنها
ووالده برضه عمل زيهم وراحوا كلهم للفيلا أثناء الوقت ده كانت هاله عماله تتصل بيه عشان يرد عليها وهو عملها بلوك
وصلوا كلهم الفيلا واول ما هاله شافته جريت عليه وهى مټعصبه
هاله ممكن اعرف مش بترد علي تليفوناتى ليه ولا خلاص الهانم اللى انت ماشى وراها قالتلك متردش
بصلها زهران ببرود احترمى نفسك انا عمرى ما ماديت ايدى على ست بلاش تخلينى اعمل حاجه ضد مبادئى
منى هى قلقانه عليك احنا بنكلمك من الصبح وانت مبتردش على اى حد فينا والساعه داخله على ١٠ دلوقتي زهران اتصل على مؤمن ها يا مؤمن لقيت ماذون
مؤمن اه داخلين عليك دلوقتي
هاله انت ناوى تطلقنى نسيت كل اللى عملتهولك ووقفتى جمبك دى اخرتها يا عرفات شوفتى شوفتى ابنك الهانم اللى سخنته عليا
زهران تعرفى تفصلى رغى شويه المأذون ده هيكتب كتابنا بتاريخ قديم عشان اقدر اسجل بنتى على اسمى
همس لمنتهى انا عارف إن اللى بيحصل صعب عليكى بس هاودينى فى اى حاجه بعملها لآخر لحظه ممكن
منتهى حاضر انا معاك مش هسيبك
قعد منتهى وقاعدوا كلهم والماذون كتب كتابهم مره تانيه
ومؤمن وصل المأذون وحاسبه ومتكلمش في اى حاجه خالص مع هاله
وتانى يوم زهران مرحش الشغل عشان عارف ان منصور هيتصل بهالع يعرفها انه اترفد والفيزا بتاعت مامتها لما تيجى تسحب منها هتلاقيها اتوقفت وكمان يدى نفسه مساحة انه يرتاح ويرخى اعصابه للقادم
وقت الضهر كانت منتهى واحمد وزهران قاعدين في الجنينه بيشربوا القهوة وبيتكلموا واحمد الصغير وحبيبه بيلعبوا فى الجاردن والداده مرقباهم
منتهى برضو مش هتقولى اللى بيحصل انا مش فاهمه حاجه
زهران بص لقى هاله جايه ناحيته وهى مټعصبه راح بص لمنتهى بضحكه وقالها وقت انك تعرفى كل حاجه حان يلا بينا على جوا وشاور للداده ان عنيها تفضل على الولاد
هاله ممكن اعرف ليه عملت كده
زهران تعالى نتكلم جوا
دخلوا كلهم الريسيبشن الكبير
هاله بقى دى اخرتها يا زهران توقف الفيزا بتاعت ماما و تطرد جوزها من الشغل
زهران عارفه يا هاله انا بقيت كل اما ابوصلك اقول فى ناس تعابين كده وبجحين كده
هاله أنا
بتقولى انا الكلام ده
زهران اه بقولك انتى للاسف يا هاله انا اخدت البرشام اللى انتى
بتغيريه وعرفت انك كنتى بتدينى دوا عشان يخلينى افضل فاقد الزاكره عشان كده لما غيرت العلاج ماقولتلكيش
هاله انا معملتش كده
زهران لا عملتى بس صحيح يا هاله ورقة اللى اخدتيه منى وانا فى غيبوبه ضاع منك فعلا ولا حرقتيه ولا لسه موجود معاكى
هاله بتوتر انت جبت الكلام ده منين محصلش طبعا انت عايز
تتخلص منى فبتتهمنى بالحاجات دى
زهران للاسف انا عرفت كل حاجه وبص لاهله اللى كلهم
ساكتين وبيسمعوا اللى بيتقال
انا بقى هحكيلكم اللى حصل
لما سافرت دبى اشتغلت هناك وكنت ببعتلكم فلوس دايما كل شهر لحد ما فى مره قررت ابعت ميل للشركه الام بتاعت الشركه اللى اترفدت منها في مصر
والشركة ردت عليها ووقتها لحسن الحظ انى كنت واخد معايا كل
