احببت صعيدي بقلم فاطمه محمد

سمح الله وفي الاول والآخر انا وانتي عارفين ان الجوازة دي تمت بأمر ابويا وانتي مش موافقه من قلبك
رقيةوانت كمان زيي ولا ايه
يونستقصدي ايه
رقيةاقصد ان قلبك انت كمان مشغول وده الي انا عايزة اقوله وعايزاك تعرف اني عارفه موضوع وردة ولاني انا اعرف الحب كويس متأكده انك لسه بتحبها ولسه علي علاقه بيها 
يونس بتوتر شديد وملحوظ

يونس بس انا....
رقيةلو سمحت سبني اكمل كلامي انت حر في قلبك زي ما انا حرة في قلبي بس طالما انت رضيت اني اكون مراتك يبقي لازم تعرف اني مش هسمح لحد يقلل من كرامتي يعني وان كنا بين بعض اخوات فااحنا قصاد الكل متجوزين ولازم تحترم ده زي ما انا هحترم ده وجدا قصاد الناس
يونسليكي عليا مش هسمح لحد يغلط فيكي ولا يمسك بحرف
رقيةبجد
يونسطبعا
رقيةولا حتي انت 
يونساكيد طبعا
رقيةازاي وهما ممكن يقولوا دا بيعرف عليها وحده او بيحب غيرها
يونسسكوت...
رقيةلو هتقدر انت تحافظ عليا وعلي بناتي كنت سكت ورضيت لكن انت مش هتقدر 
يونسده كتب الكتاب بكره هنعملوا ايه
رقيةشوف انت هتعمل ايه وانا معاك
يونس وقد تركته في حيرته وخرجت وسط ذهول الجميع....
الحاجه سعادشفت ست الحسن عملت فيا ايه انا واختك
يونس
عملت ايه وهي بتعمل حاجه
الحاجه سعاد
دي بهدلتنا وطردتنا من اوضتها كنه بيت ابوها
يونسبجد فرحتيني اخيرا عرفت ترد عليكم سبيني ياما دلوك مش فاضي لحكاوي الحريم عن اذنك
الحاجه سعادكل ده عشان لبستلك الاحمر امال لما تلبسلك الحاجات التانيه هتعمل ايه يامرارك الطافح ياسعاد
يونس يجلس بحديقة المنزل يحتسي فنجانا من قهوته المفضله يفكر فيما قالته رقية فهي تريد منه ان يقطع علاقته بوردة ما دامت هي زوجته حتي وان كان زواجا صوريا لا غير ولكن كيف له ان يفعل ذلك ولماذا تطلب منه هذا ومن الذي اخبرها بذلك الأمر والأهم ماذا سيفعل فهو لن يستطيع ايقاف الزواج ولن يستطع البعد عن وردته المريضه....
في منزل خديجة كانت تنتظره بدموعها وملابسها المتسخه وبعدما حكت له ما حدث لم يحتمل كل هذا....
منعمبقا يعمله فيكي كل ده طب متصلتيش ليه بيا ياخديجه اهدي ياحبيبتي حقك عليا
خديجةانا الي قاهرني انهم ضحكوا عليا واستغفلوني انا كنت ھموت من الخضه يامنعم ليه بيعملوا كده شوفلك حل يامنعم شوفلك حل انا مش هعيش في البيت ده تاني فاهم انت تشوفلي شقه بعيد عن هنا انا معدتش طايقة اشوفهم.
منعمانا هنزل واقولهم الحقيقه والي يحصل يحصل.
خديجة اوقفته وامسكت يديه برجاءلا يامنعم احنا نبعد وبس لكن متقولش لحد انا مش عايزة حد يبصلك بصه كده او كده مستحيل 
منعميعني عايزاني اسكت علي الي حصلك ده
خديجةلا زعق وبهدلهم بس متقولش الحقيقه لان الحقيقه متخصش حد غيرنا وبس
منعمبعد كل الي عملوه مصممه متحكيش وحده غيرك كان قالتلهم وفشت غليلها
خديجةمبقاش خديجة حبيبتك ومراتك وبت عمك الاصيله لو عملت كده انا لو مۏتوني عمري ما هقول انا بيكفيني وجودك وحنيتك عليا 
منعمربنا يخليكي ليا يااصيلة يابنت الأصول
هبط منعم لشقة والدته ورن الجرس وطرق الباب بعصبية شديدة
ام منيرقبل ما تتكلم ولا تفتح بوقك بكلمة انا عملت كل ده عشانك انت عشان نفسي اشوف عوضك متنساش اني امك.
منعموعشان تشوفي عوضي تهيني مراتي وتضحكي عليها انت والهانم الي معرفش اش ډخلها هي في حياتي اخلف ولا لا
ام منيرهي لو اصيله كانت عملت ده من نفسها مكنتش استنتنا نعملوا احنا عشانها
منعمخديجه احسن وااصل وحده في الدنيا وعشان اريحكم انا هسيب البيت خالص
ام منيريالهوي عصتك عليا وعايزة تاخدك وتمشي البعيدة منها لله بس العيب مش عليها العيب علي الي يسمعلها بدل ما تاخدها من ايديها وتخليها تعمل كده واكتر عشان تفرحك
منعمالكلام مننوش فايدة معاكي هو اسبوع الاقي شقة ونمشوا ومش هتعرفيلنا عنوان وابقي افرحي بقا بالست هانم الي بتقولك اعملي وسوي
ام منيرتبيع امك عشان ست خديجة يامنعم
منعمانا بقف مع الحق ولو الحق معاكي كنت جبتهولك بس انتو الي محقوقين ليا ولمرتي 
تركها وذهب وهي في ضيق شديد منه من وجهة نظرها تريد ان تري له ذرية مثل اخيه ولكن كيف يفهم هو ذلك
ام منير اما خليته يتجوز عليكي وېحرق قلبك مبقاش انا
في منزل فاطمه وكانت غاضبه

جدا من اسلوب رقية وفي اثناء ماكان زوجها بالحمام يأخذ حماما قبل ان يذهب لعمله جاء له اتصال من تلك المرأة التي يعرفها نظرت فاطمه لاسم المتصل فعرفتها علي الفور والفضول جعلها تجيب ولكن بصمت
ريهام الو ياقلبي وحشتني اووووي اتاخرت ليه انا مستنياك علي ڼار بقا الو الو الو الو
اغلقت الخط ولحسن الحظ ان ريهام لم تكررالاتصال خوفا من ان يكون احدا غيره...
احمدجهزتيلي اللبس
فاطمة ايوة جاهز
احمد وهو يهندم نفسه كالعريس ويدندناهواك واتمني لو انساك وانسي روحي وياك
فاطمهياعيني عالروقان بس ايه الشياكه دي
احمدما انا طول عمري كده ايه الجديد يعني. 
فاطمة وماله انا عايزاك كده علطول بس اخاڤ وحده غيري تاخدك مني
احمدهههههههههههه هو انا فاضي يابطة للكلام ده
تعجبت من كذبه وبراعتهربنا يكفيك شړ نفسك وشړ بنات الحړام
تعجب احمد من دعوتها فقال ضاحكاهي مش ولاد الحړام مين بنات الحړام دول
فاطمةالي ممكن تفرق بيني وبينك يالا خلص عشان متتأخرش
احمد وقد احس بشيء غريب من كلامهاهو انتي فيكي حاجه مالك كده بتتكلمي من تحت الضرس
فاطمةلا ابدا انا كويسه بس متتأخرش عشان مستنياك
احمدوانا اقدر اتاخر عليكي برضه
فاطمه اكتفت باابتسامه
وما ان نزل حتي لبست ازدالها والنقاب وخرجت ورآئه بدون ان يلحظها استقلت سيارة اجرة وطلبت من السائق ان يتتبع السيارة ومع استغراب السائق ولكنه وافق حينما اعطته مبلغا لا يحلم به وصل لاحدي الكافيهات وما ان دخل حتي دخلت ورائه ورآته يجلس مع ريهام والتي تبدو في سن الثلاثين جمالها عاديا بالنسبة لفاطمة لا تعرف ما الذي اعجبه فيها رآته يمسك يديها ويقبلها لم تتحمل وذهبت اليه في ذهول منه
فاطمةمش تقولي ان الشغل بقا في الكافيهات ومع الحريم يااحمد
احمدفاطمه انتي ايه الي جابك وازاي جيتي وحدك دا احنا في العشا وتسيبي العيال وحدهم
فاطمةجيت اتعرف عالسنيورة انتي مين بقا
ريهامانا زي زيك ياختي انا مراته.........
صدمت فاطمه فلم تتوقع انه متزوج
منها مراته مراتك يااحمد
ريهام بتحدي وثباتايوة كاتبين الكتاب مش هتقوليلي مبروووك
احمداسكتي ياريهام اسكتي يالا يافاطمه عالبيت
فاطمةبيت ايه ياابو بيت انا هرجع البيت وحدي وانت شوفلك مكان تاني اما دفعتك التمن مبقاش فاطمة السوهاجي
تركتهم وهو يللحق بها ولكنها استقلت تاكسي وتركته........ ولكن ماذا ستفعل
في منزل السوهاجي وعند العشاء هبطت رقية بعباءة بيضاء مطرزة باللون الوردي وطرحة ورديه 
الحاج فاروقمرحب ياعروستنا
رقية اهلا بيك يابابا
الحاجه سعاد تهمس لابنتهاشايفه متذوقه ازاي ولا كأنها عروسه بجد
رقيةايه رآيك ياماما في العباية دي حلوة عليا
الحاجه سعاد بغيظبصي للمراية انا مبشوفش كويس
رقيةلا سلامتك كام يوم واخدك انا ويونس نكشفلك نظر
الحاج فاروقوالله اصيله شايفه بتفكر فيكي ازاي
آدممبروك ياام سما ربنا يتمم ليكم بخير
رقيةالله يبارك فيك ياآدم عقبال نجاحك وفرحك يارب
آدميارب ادعيلي وانتي فرحانه
الحاجه سعادوهي فرحانه!!
رقيةطبعا فرحانه مش هتجوز يونس سيد شباب البلد وعم عيالي مفرحش ليه ياماما هدعيلك ياآدم
زينبامال ده كفايه ان يونس اخو مصطفي
ولا ايه
توترت رقية قليلا ولكنها تمسكت الاتنين ميتخيروش عن بعض يازينب.
الحاج فاروق امال فين يونس والعيال
الحاجه سعاد قال وراه مشوار وهيتعشي مع صاحبه والعيال فوق بتعشيهم زنوبه
الحاج فاروقمحتاجه حاجه يابتي ناقصك حاجه
رقيةلا يابابا انت مش مخليني افكر ايه الي ناقصني اصلا لانك جايبلي كل حاجه ربنا يخليك ليا
الحاج فاروقزي ما قولتلك انتي بتي زيك زي بناتي واكتر
رقيةربنا يبارك فيك يابابا
كان يونس مع احد اصدقائه المقربين جدا
يونسانا معرفش هي قاصده ايه بالظبط انا احترت كلامها برجلني وحيرني اكتر ما انا محتار
سعدبص ياصاحبي وردة دي المفروض تقطع معاها لانك كده كده مش هتجوزها
يونسبس بحبها
سعدلا يايونس انت مبتحبهاش انت اتعودت عليها طول عمرك كنت مقفل علي نفسك متعرفتش علي بنات واول ما دي جات وشوفتها انبهرت وهي حست انك ممكن تديها ريق حلو قالت وماله هي هتلاقي زيك فين
يونسلا ياعم دي بتحبني وكمان دي تعبانه قوي وهتعمل عمليه
سعدقولي يايونس ليه كل ما تروحلها تقولك عايزة وعايزة وليه قابله تطلع معاك من غير جواز تفتكر دي تصلح تكون مرتك يايونس 
يونس فكر في كلامه وسكت برهههي خاېفه ابعد عنها وبتطلب مني عادي عشان بتدلع زي البنات
سعدوقبلت تاخد العشر تلاف ليه وعتضحك علي ابوها هو انت متأكد من موضوع العمليه ده
يونسايوة قريبتها كانت معاها
سعدشكلك واثق فيها قوي يايونس خد بالك ياصاحبي حرص ولا تخون واعرف ان الي زي وردة دي مش سهل ابدا وهتعمل ايه في جوازتك دي كمان
يونسبقولك قالتلي بالمحسوس كده اني اسيب وردة عشان قال ايه شكلها قدام الناس وكرامتها
سعدحقها
يونسحقها ازاي بقولك هي اصلا مش عايزاني يبقي تقولي ليه كده زانا حر اتجوز اتنين وتلاته غيرها
سعدبس حقها مدام هتتجوزها مش يمكن فكرت ووافقت عن اقتناع
يونساتفلسف بقا عليا ما انت مدرس علم نفس
سعدانا بقولك الي ممكن هي تفكر فيه وبرجع اقولك لو مش كد الجوازة دي بلاش منها ياصاحبي وحرس من وردة دي
يونسطب اسكت اسكت هروح انام
هستناك بكره بقا
سعدماشي ياعريس
يونسعريس ايه ان مكنتش عارف الي فيها 
سعدماشي ياعم روح نام
يونس الوقت اتاخر

يدوبك انام
احمد يحاول ان يفتح الباب ولكنها وضعت المفتاح من الداخل واقفلت بالترابيس
فاطمةقولتلك متتعبش نفسك وهدومك في كيس الزباله حطتهملك
احمدكفايه فضايح يافاطمه اسمعيني
فاطمهفضايح وانت لسه شفت فضايح بس يخلص فرح اخويا وهتشوف الفضايح علي حق يالا بقا امشي عشان عيالك نايمين ولا تحبهم يشوفوا ابوهم وهو مطرود
احمدماشي يافاطمة همشي بس جاي الصبح ولازمن نتكلموا
فاطمةالهي ما يصبح عليك صبح يابعيد اما وريتك....
اقترب الفجر والجميع في سبات استيقظت رقيه وكانت تنوي الهروب ببناتها ولكنها قامت تتفقد الوضع ولكنها وجدت شخصا ملثما في الظلام يهبط الدرج ويحمل شيئا
جرت رقية ورائه تصرخ فجري سريعا وهي ورائه ووجدته يحمل مريم ابنة زينب امسكت به حاول ان يفلت يديها ترك مريم ولكن رقية صړخت حتي استيقظ يونس لانه لم ينم جيدا ورآي رقية ممسكه بالشخص الملثم وما ان رآي يونس ثم هرب مع شخصا آخر ينتظره بالخارج بدراجة بخارية....
يونسرقية رقية. مين ده مريم ايه الي بيحصل ده
رقية تاخد نفسها بصعوبةكان هيخطف مريم يايونس اطمن علي زينب اطمن علي زينب يايونس
يونسيآآدم ياآدم ياحاج الحقونا رقيه رقية 
اغمضت عيناها ورأسها علي يديه
في المستشفي
يونسطمنا يادكتور
الدكتور الحمد لله المدام بخير تفوق وتقدروا تدخلولها
الحاج فاروقربنا يطمنك يادكتور
الحاجه سعادفوقنا زينب بالعافيه ومن سعتها واخده بتها فحضنها وپتبكي
يونسمين الي اتجرأ ودخل البيت واشمعنا مريم مين الي قاصدها وعارف البيت واوضتها والله لو 
الحاج فاروققدر ولطف لولا رقية كانت البت ضاعت
يونسالواطي غزها ومشي بس