حوريتى الغاضبه بقلم زهره الربيع
تكوني انتي مبسوطه فيه
حوريه ابتسمتلو وقالت لما نبقى نصتلح ابقى افكر
لسه هتمشي شدها عليه وقال هو احنا لسه هنصتلح مش انا قلتلك قبل كده عينيكي عمرها ما كدبت عليا
حوريه ابتسمت وهيه بين ايديه وقالت ةعينيا قالت لك ايه بقى
هشام ابتسم وهو بيبصلها بعشق وقال... قالت الي لسانك مش قادر يقول قالت حالي من حال عينيك عشقانه ودايبه فيك
هشام قال ..اي حد يقف قدامك يبقى شاعر ...يلا بقى قولي انك سامحتيني خلينا ننبسط ونعيش حياتنا من جديد
حوربه ابتسمت ودفعته بخفه وقالت لسه بدري عليك يا باشا ..اشتغل اشتغل ربنا يعينك
قالت كده وطلعت على البيت وهو فضل باصص لطفها بابتسامه وبقى يكمل شغله
بالليل حضرت العشا وكانت مستنياه زي العاده يطلع يتعشى بس ما طلعش بصت لجدها وقالت غريبه يعني هشام من ساعه ما دخل في العصر وهو ما طلعش ثاني ابدا مش من عوايده
حوريه قعدت وقالت..وانا مالي ان شاء الله عنه ما اكل بس مفيش دقايق و قالت....احم بس مش هينفع برده حرام يمكن جعان انا هقول له واجي على طول
راحت وقعت تخبط على باب الاوضه بس ما حدش فتح كان الباب مش مقفول كويس فتحته شويه وقالت هشام العشا جاهز ..بس بردو ما ردش عليها لسه هتمشي سمعت صوت تمتمه غريب في الاوضه بتبص لقيته نايم على السرير وبيرتجف جامد وبيهلوس بكلام مش مفهوم
طلعت جري عند جدها وقالت له يجيب دكتور ورجعت ثاني لهشام وبقت تغطيه علشان يهدى شويه بس كان تعبان جدا
بعد شويه جيه الدكتور وكشف عليه وقال انه اخذ ضربه شمس شديده وادالو حقنه و كتب له على شويه ادويه ومشي
هشام كان ابتدى يفوق من الحقنه اللي اخدها من الدكتور بصلها بتوهان وقال انا بردان قوي قوي يا حوريه
حوريه جريت وحطت عليه غطاء تاني وقالت طب ودلوقتي كويس يا حبيبي
هشام بصلها وابتسم وقال ..هو ما ينفعش تقولي لي يا حبيبي غير وانا تعبان كده
حوريه قالت بدموع..مش هينفع تتغطى اكتر من كده استحمل شويه يا هشام
هشام شدها عليها وقال وهو
بيبصلها جامد..انا استحمل اي حاجه الا بعدك..خليكي جمبي..دفيني بقربك يا حوريتي
حوريه قربت منو بتردد وقالت بدموع..انا جمبك...جمبك يا هشام
تاني يوم قامت من النوم ملقتهوش قامت بسرعه تشوفو فين ولسه هتطلع من الاوضه سمعت صوته مع الرجاله في الارض
اتنهدت وهزت راسها بيأس من عناده وطلعت لقت مازن مع جدها اخدتو وراحتلو الأرض
هشام اول ما شافها ابتسم وقال..صباح القمر كلو
حوريه حطت ابنها في العربيه الصغيره بتاعته وقربت من هشام وقالت بضيق...انت مچنون يا هشام..انت كنت بټموت امبارح ايه نزلك تاني
هشام قال بابتسامه..عمر الشقى بقي وبعدين احنا بنا اتفاق
ضحكت وقالت اتفاق ايه يا بطه طريه انتي..ده انت كنت هتفلسع من شويه شمس
هشام شدها ليه بقوه وقال ...اكيد الشمس مش هتتعبني قد عنيكي وبستحملهم عادي..وبعدين انا مستعد اتعب كل يوم لو هنام نومة امبارح في الاخر
حوريه نزلت عنيها بكسوف وقالت...خۏفت عليك قوي
هشام ابتسم بسعاده وقال..بجد
حوريه هزت راسها بكسوف وقالت..اه..افرض مت بسببي اعيش ازاي بعدها
هشام بصلها بزهول وقال...هو عادي اموت يعني لو مش بسببك..على العموم ما علينا مش هسمحلك تبوظي اللحظه الرومانسيه دي
حوريه ضحكت وقالت..سبني طيب
هشام قال..اسيبك ازاي...وحشاني قوي
حوريه قالت بارتباك...يا هشام احنا في الارض احسن حد يشوفنا
بس قرب وقال انا هتجنن خلي اللي يشوف يشوف
ولسه هيقربها ليه..اټصدم بشده وفضل واقف باصص بعيد بذهول
حوريه استغربت وقالت مالك يا هشام وبصت مكان من ببص
