روايه توبه للكاتبه ميرفت السيد
دي زي مانت عارف ياطاهر كانت بيت ابونا الله يرحمه قبل مااشتري نصيبك زمان عافية واطلع بيها عمارة
طاهر الي فات ماټ خلاص انا مسامح
عثمان لا انا زمان بخستك حقك ولازم اعمل الصح انا هاديلك شقة في العماره هنا وكدة تبقى جنبي وجنب توبة وتطمن عليها وتبقى كلنا جنب بعض
وقبل ماترفض احنا هانتمن نصيبك زمان بكام والشقة حاليا بكام وانت تدفع الفرق يعني هاتبقى شاري بفلوسك
بابا ياطاهر انت فاجئتني
طاهر اسمع مني وريحني
فارس انا شايف ان دة حل ممتازوكلنا نبقى جنب بعض
بابا طيب احنا هنروح دلوقتي ونرتاح وافكر كدة وربنا يسهل
وفجأة دخلت مرات عمي الي كانت واقفة برة بتسمع
وقالت لعمي خلاص ياعثمان هاتبيعنا لاخوك هاتفرط بحق ولادك لطاهر
بابا قام وقال لعمي انا همشي قبل ماافقد اعصابي ياعثمان وبكرة هاتصل بيك يااخويا ونتكلم
ولاد عمي كلهم قامو وقفوا بين عمي ومراته عشان ميضربهاش تاني
اميمةاترمت عالارض وهي بټعيط وولادها قوموها وقعدوها
احنا خرجنا وطلبنا الاسانسير عمي خرج ورانا وقال لبابا قبل مانركب الاسانسير طاهر حقك عليا
بابا احنا فعلا
فارس بصلي وعنيه بتقولي شكرا
ورجع جوة لقى ابوه بيقول لامه انا فاض بيا منك خلاص
قامت اميمة وقالت الجواززة مش هاتتم والبيعة دي مش هاتتم ولا ايه انطق يافارس
فارس قال لأمه شوفي بقى انا هاتجوز بنت عمي مهما عملتي
امه بذهول فارس انت بتقول ايه
عثمان ايه ماسمعتيش ابنك فاق لنفسه وانتو وشاور لاولاده احب اعرف رأيكم مع انه لاهايقدم ولا هايأخر
سامر فارس مش عيل ياامي ومش هيتجوز بنت اختك ارحمينا بقى
امير الي تشوفه ياحاج المهم تجوزني تمارا
اميمة بذهول كلكم بقيتو ضدي انا بادور على مصلحتكم
عثمان بسخرية شوفتي ولادك دوري على مصلحتهم بدل ماتدوري على واحد يلم بنات اختك انا نازل شقتي حصلوني ياولاد الك.. لب وانتي ياحية اعنلي بلقمتك وانزلي حضري الاكل
بعد. ماالكل نزل
اميمةكدة
يافارس دي اخرتها بتاخد
صف ابوك وانا الي ىساكتة علي مصيبتك مع هدير
فارس ابتسم بسخرية قال لامه ازاي انتي امي وتقبلي عليا تورطيني ببنت اختك وانتي عارفة انها مش حامل مني
اميمة بخضة انت بتقول ايه
وسابها ونزل وهي ھتموت من الغيظ ان خطتها فشلت
في بيت طاهر بيتناقش مع بناته كالعادة بكل دفء وحب وبياخد رأيهم في الي حصل
وردة مكنتش متوقعة ان طاهر ربناةيهديه ويرجعلك حقك لوحده انا خاېفة على توبة ووجودنا جنبها وجنب عثمان حل كويس وقلبي هابكون مرتاح
تالا انا كمان شايفة اننا نسكن عالبحر
تالين ايوة بقى ياحاج ونبقى جنب بعض انت وعمي وتوبة محدش فينا يقلق عليها
تالين بصراحة عمي صعبان عليا مراته وحشة. بجد
تمارا انا كمان عاوزة ابقى جنب توبة ونتمشى عالبحر و ناخد سيلفي بالفراندة زي الناس الهاي كلاس
توبة انا عاوزاكم جنبي وعاوزاك تراعي عمي يابابا واحنا هنشتري بفلوس وعقد مش هنكون عالة على حد
بابا بيسمعنا وهو مبتسم وبيضحك وبالنهاية قال سيبوني اسأل الشيخ صالح صديقي والي فيه الخير ربنا يقدمه
تاني يوم باباعملنا اجتماع وقال بعد ماسألت واتطمنت من جهة الدين انا معنديش مشكلة عمكم جالي الشغل واخدنا سمسار محايد يتمن الشقة وبعد. مااتفقنا عالسعر هادفعله الفرق بكرة الصبح باذن الله هنروح الشهر العقاري ونعمل العقد وهاننقل في الشقة في اي وقت بعد ماتوبة تتجوز نكون ظبطناامورنا ايه رأيكم
كلنا فرحنا بالقرار باباقال توبة بكرة هاتروحو تكملو فرش الشقة واخر الاسبوع
________________________________________
هاتنزلي مع فارس تختارو الفستان والبدلة و عمك هايجهز شقة فاضية عنده بالدور الارضي عاملها مخزن هايجيب ويدينج بلانر وهيعملكم الفرح فيها
ايه رئيك
تمام يابابا
تاني يوم الصبح بابا وعمي عملو العقد الصبح بالشهر العقاري واصبح بابا يمتلك شقة بعمارة عمي واخر النهار ورحنا فرشنا الشقة بكل هدوء لان. امه ڠضبانة عند. اختها
واخر الاسبوع نزلنا انا واخواتي وفارس واخواته اخترنا الفساتين والبدل وسط جو من البهجة والسعادة
واجتمعنا مع الويدينج بلانر واخترنا كل حاجة
وتم. تحديد كتب الكتاب والفرح بعدها بأسبوع
عدا الاسبوع بسرعة بكل هدوء الخۏف ليكون الهدوء الذي يسبق العاصفة
لحد ماوصلنا ليوم الزفاف كنت انا واخواتي بمنتهى السعادة والميكب ارتست خلصت والكل بقى جاهز اول ماخرجت وشافوني بابا وماما عيطوا من السعادة وماما خاېفة عليامن الحسد كنت حرفيا ملكة انا واخواتي
فارس وصل باخواته وعمي وعملنا زفة بالعربيات وصلنا القاعة بزفة وتهنئة من المدعوين والمأذون وصل
وبدأ يكتب الكتاب ولكن فجأة.............
ازاي يعني متوقعين كتب الكتاب يعدي
