قصه أخيرا راجع

بطه بفرحه اخيرا بعد سبع سنين راجع تانى
اختها لميس قولى كدا علشان كدا حاطه الاحمر وخدودك
بطه متقليش لماما بالله عليك انا شحته من البت سحر 
لميس تلاقيه عرف بنات اشكال في بلاد بره مش حتت احمر الى هتاثر فيه يعنى 
بطه بقولك ايه انا نازله شكله جه
تحت 
دخل بالشنطه بتاعته بتعب ومش طايق نفسه ابتسم لما شاف الى نازله بخجل
مازن ازيك يا بطه
بطه بخجل وصوت واطى
حمدلله على السلام يا مازن
قعد على الكنبه وبداء يقلع الكوتش
الله يسلمك يا بطه ممكن بس تاخدى الشنطه والكوتش دا تطلعليهم فوق وتعمليلي شاى
ميلت تاخد الكتش

حاضر 
ونام على الكنبه ايده على وشه والتانيه تحت راسه فتح عنيه على صوت رقيق. 
بطه الشاى يا ولد عمى
شورلها تحطه على التربيزه الصغيره
حطيه هنا.... اتعدل في قعدته
امال فين عمى ومرات عمى 
بطه فكروك هتيجى الصبح علشان كدا ناموا اروح اصحيهم
مازن لا خليهم نايمين
مازن و دياب اخويا
بطه مسافر بقاله يومين و لما عرف انك جاى خلص الشغل وهيجى بكره 
مازن ماشي يا بطه روحى نامى
بطه حطت الشاى ولسه هتمشي
مازن بطه
لفت ليه بسرعه ايوه يا مازن
مازن أحنا معندناش بنات بتحط الحاجات دى يا بطه امسحيه
بطه بتوتر احم عادى في بنات كتيره بتحط
مازن بس مش في علتنا شليه
بطه حاضر... انت هتنام هنا ولا اى
مازن ايوه اصلا كلها كام ساعه والصبح يصبح فهنام هنا 
بطه تصبح على خير 
مازن وانتى من اهل الخير يا جميلها
بطه طلعت جري على فوق 
لميس شفتيه يختى
بطه بضيق ايوه يختى وهزقنى على المكياج وقلي معندناش بنات بتحط كدا فكرت سبع سنين في الغربه هتغيره
لميس ضحكت شرقي شرقي 
بطه بس اي مز ابن الجزمه بقا احله عن زمان بكتير
لميس بت عيب اتلمى امك لو سمعتك هتشلوحك 
بطه ماشي يختى انا هتخمد علشان اصحا الصبح أعمله الفطار بإدى 
لميس مدلوقه مدلوقه يعني 
تانى يوم 
دياب اهلا اهلا بالغالى
مازن اخوه الكبير وحشتنى يا دياب
دياب غيبتك طولت قوى 
مازن ضحك طولة فين بس دا انا يدوب خلصت كليه وملحقتش اشتغل 
دياب كفايه عليك غربه لحد كدا انت هتقعد معاى وهتشيل عنى وعن عمك انا كبرت خلاص
مازن ضحك لا متقلش كدا انت لسه صغير وفي عز شبابك دا همل خمسه وتلاتين سنه 
دياب وهما الخمسه وتلاتين قليلين 
مازن طيب بما ان الخمسه وتلاتين مش قليلين مش ناوى تتجوز 
دياب ادعيلي انت بس الاقي بنت الحلال وانا هتجوز علطول 
مازن طيب ما هى بنت الحلال موجوده 
دياب اتنهد لميس لا يا مازن
مازن ليه ما هى بنت عمنا وحنا الى مربينها ومشاء الله عليها زى القمر 
دياب والفرق السن
مازن لميس وعمى عقلهم اكبر من كدا وعرفين ان السن مجرد رقم 
دياب هى مش مجبوره تتجوز واحد اكبر منها بتناشر سنه ېموت وهى تبقا في عز شبابها الاحسن تتجوز واحد في سنها
مازن مش هتحس بالكلام الى بتقوله دلوقتي غير بعدين يا دياب
لميس طلعت وهى بتمسح ايدها
الفطار جاهز يا ولد عمى 
مازن ابتسم طيب مش هتسلمى الاول 
لميس قربت تسلم عليها
انا نزلت لقيتك نايم مرضتش اصحيك وبعدين وقفت تحكى مع اخوك مرضتش اقاطعك
مازن عامله اي يا لميس
لميس الحمدلله بخير يا دكتورنا انت اخبارك 
مازن الحمدلله 
لميس على فكره كنت مستنياك تدخل علينا بوحده أجنابيه وتقلنا دى مراتى
مازن لا على فكره مفيش احسن من بنات بلدى ويوم ما هنوى انتجوز هيبقا من مصر 
دياب بغيره اي هنفضل نرغي عايزين ناكل 
مازن ابتسم بخبث طيب ومتروح تاكل انا لسه يبدوا هاكلم مع لميس 
دياب اتعاله اطفح الاول وبعدين اعمل الى انت عايزه 
مازن هكل بس ورجعلك يا لميس اشوف عندك عروسه ليا