اسكريبت لايمان شلبي
كل اللي انا فيه دلوقتي
وبعد ما تختفي ايه اللي ممكن يتغير
اهلك هيفضلوا اهلك وحتي جوزك هيفضل بيدور عليكي عشان اللي في بطنك!
انا هرفع عليه قضيه خلع
هتساعدني اتطلق منه
هز رأسه بابتسامه لطيفه
هساعدك
بالنسبه لأهلي انا هطمنهم عليا بس مش هعرفهم مكاني
هتسيبي اهلك وتعيشي لوحدك
رديت بسخرية وابتسامه حزينه
حط أيده علي ايدي وبص في عيوني بحب
متقوليش كده انا معاكي
شكرا ياثائر ربنا يخليك
جنا
غمضت عيوني جامد ورديت بصوت واطي
ن نعم
جنا انا لسه بحبك
فتحت عيني وبصيتله پصدمه فابتسم ابتسامه باهته وحزينه وكمل كلامه
طبعا تلاقيكي بتقولي لنفسك ازاي لسه بحبك بالرغم من انك رفضتيني زمان قدام كل زمايلنا لما طلبت منك الجواز!
او أن كرامتي كبني ادم هتمنعني اجدد طلبي من تاني
انا حياتي من بعدك واقفه ياجنا
لا عارف احب ولا سامح لحد يقرب مني
لسه متعلق لسه بحبك لسه قلبي عايز قربك
انا
استنيت كتير اوي عشان قلوبنا تتلاقي
وفي الخلفيه
لسه فاكر
قلبي يديلك أمان
أيوه فاكر كلمه هتعيد اللي كان
توصل الشوق بالحنان
لسه فاكر
بس خاېف يجي يوم ونقول غرامنا
كان زمان
قلبي اتنفض وغمضت عيوني جامد ورديت بصوت مبحوح
ا ارجوك يا ثائر د ده مش الوقت ولا المكان المناسبين للكلام
اخدت نفس عميق ومسحت دموعي وانا برفع عيوني في عيونه
بس اوعدك اني هفكر في الموضوع
ابتسم ابتسامه واسعه وهز رأسه واتحرك بالعربيه لمكان مجهول وحياه مجهوله واقدار مجهوله
جايز لما نعرف قيمتها تبقي لسه موجوده علي حالها وترجع من تاني وجايز تبقي مجرد سراب ونعيش طول العمر في ندم وفقد وخوف
اي حد حس بالفقد اي حد حس بالتوهه اي حد حس بالۏجع بيحاول ينصح اللي حواليه عشان ميتعرضوش لنفس الاحساس البشع ده
بيحاول ينصحهم أنهم يحافظوا علي الناس اللي بتحبهم أو علي اولادهم اللي مهملين فيهم أو حتي علي الشغل اللي مش حابينه لأن وجود كل ده نعمه كبيره من ربنا لازم نشكره عليها ونحافظ عليها لأخر العمر
ثائر مش مجرد شخص عابر ظهر في حياتي في يوم من الايام!
ثائر أصبح طوق النجاه
أصبح الشخص اللي برمي عليه حمولي
أصبح الظهر اللي بيحميني
أصبح الايد اللي بتتمدلي وقت ضعفي وخۏفي
أصبح الحضن الحنين اللي بترمي جواه وقت قسوه العالم علي قلبي!
حبيبي سرحان في ايه
لفيت علي صوته واول ما شوفته اترميت في حضنه وانا باخد نفس عميق
بفتكر اللي حصلي من سنه يا ثائر
خرجني من حضنه وحاوط وشي بحنان
لسه خاېفه !
هزيت راسي بنفي
وانت معايا عمري
